Duterte: 'Mamili kayo, ipasa ang BBL o giyera sa Mindanao'

Nakikiusap ngayon sa taongbayan si Pangulong Rodrigo Duterte na unawain ang kahalagahan ng isinusulong nitong Bangsamoro Basic Law (BBL) at ang pag-amyenda sa Saligang Batas para mabago ang porma ng gobyerno tungo sa federalism.Ginawa ni Pangulong Duterte ang pahayag sa gitna ng pagtutol ng ilang sektor at ilang mga mambabatas sa Charter change (cha-cha) dahil sa pagdududa sa motibo sa likod ng itinutulak ng administrasyon.Sinabi ni Pangulong Duterte, napapanahon na para maitama ang “historical injustice” na dinanas ng mga Moro.